Nuutoqaq pillugu
Illup oqaluttuassartaa
50-ikkunni amutsivitoqaq
Juulimaap sullivia
2017-mi Nuutoqaq Nuuk Lokalmuseum ammarneqarpoq
Niels Lyngep illua
Niels Lyngep illua isumaqatigeeqqaarluni alakkarneqarsinnaavoq
Niels Lyngep Illua Gertrud Raskvej 24-imiittoq naliminut naleqquttumik 1950-imi nammineq illuliaavoq. Palasip Niels Lyngep aamma qalipaasarnermigut taalliortarnermigullu ilisimaneqarluartup illugivaa. Illu Niels Lyngemit ilaqutaanillu taamanikkut najugaqarfigineqarnermisulli isikkoqarpoq, illulu pulaaraanni 1950-ikkunni kingusinnerulaartukkullu angerlarsimaffiit qanoq isikkoqartarsimanersut takorlooruminarsisarpoq.
Niels Lyngep Illua pulaarlugu immikkuullarilluinnartumik alutornartumillu misigititsisarpoq. Ini igaffillu inuppassuit eqqaamasaattulli isikkoqarpoq, illumullu pulaartartorpassuit meeraanerminnut inuusuttuunerminnulluunniit utersaartarput.
Illu taamanikkut naliminut naleqqiullugu angisoorujussuuvoq, palasimullu Niels Lyngemut (1880-1965) nuliaqqiutaanullu Karolinemut taakkulu paniinut nukarlernut marlunnut inissaqarluarpoq.
Niels Lynge tamatuma siornagut Kujataani Qeqqanilu oqaluffinni ukiorpassuarni palasiullunilu kattuffiit assigiinngitsut sinnerlugit annertuunik suliniuteqartarsimavoq.
Niels Lyngep Illua 1995-imi takuniagassatut ammarpoq..
Katersugaasiviup pisiniarfia
Nuutoqqap katersugaasiviani pisiniarfeeraqarpoq pissanganarluinnartunik tunisassiaqarluni, Nuummi innuttaasut sanalugaanik alutornartunik. Pisiassaatigut nuannersut assigiinngitsut tunniussassatut tammaviutsutulluunniit tulluartut ilinnut imaluunniit qanigisarnut. Pisiniarfeerarput alakkaruk, taamaasillutit Nuummi sanaluttartut aallartitsiniaasullu tapersersussavatit.