Saqqummersitat
Saqqummersitaq atajuartoq
Katersugaasiviuk pingaartippaa 1950-ip nalaaniik siumullu, Kalaallit Nunaanni Nuuk illoqarfittut pingaarnerulernera oqaluttuarinissaa. Katersugaasivipput alianaatsumik aaqqissugaavoq, pigisagullu qangamut utersaarnarsinnaasarlutik, annertunerusumik utoqqarni meeraarnermut utersaartitsisinnaalluni.
Maannakkut saqqummersitat:
"In My Backyard"
Ukiorpassuit qaangiupput siullermik isumassarsiareqqaarakku, Melbournemi Australiami najugaqarlunga. Tamanna oqaatigereerlugu kanngusullunga nassuerutigissavara, illunut assigiinngitsunut pingasunut nutsertarnikuugaluarlunga, ataasinnguamilluunnit assiliisimannginnama.
Immaqaana Kalaallit Nunaanni inuuffigilikkanni kusanassuserujuussuup piumassusinitsissimagaanga.
Immaqa Nuup, Kalaallit Nunaanni ornitassani soqutiginanngitsutut nalilerneqartarneranut pakatsisarnera - tamanna paasinerluineruvoq, uanga annikkusussimasara. Immaqa uanga nammineq piffissami tassanerpiaq qanilaarnerunissannut sungiusarallarninni. Sunaluunniit peqqutaasimagaluarpat, Nuumut 2019-mi nuukkama kiisami suliniut aallartissimavara.
Isumassarsiaq allanngoriartorsimavoq, suleqatigiilluni saqqummersitsinermut tunnganeruluni, takusinnaagakku Nuummi assiliillaqqissorsuit qanoq amerlatiginersut (Instagram iluaqutigalugu)! Saniatigut paasisimavara allat peqataatinniarlugit qaaqqugukkit, suliniut immikkuullarissumik, isiginnittariaatsillu assigiinngisitaartut aallaavigalugit illoqarfimmik takutitsissasoq - Nuummi najugallit inuunerat aallaavigalugu. Aamma nammineerlunga suliniutimma annikikkaluap, siammasinnerusumik sunniisinnaanissaanut periarfissiisimavoq - neriullunga allanut isumassarsititsiumaartoq, ulluinnarni avatangiisiminnut maluginiaanissaminnut.
"Hans Egede"
2021-mi ukiut 300-t qaangiupput palasi
qallunaaq norskiusoq Hans Egede Kalaallit nunaannut tikinneranit, qeqertap inui
kristumiunngortikkiartorlugit. Tikinnerminit ukiut arfineq-marluk qaangiuttut
1728-mi niuertoruseqarfik Godthåb tunngavilerpaa ullumikkut nalunngisatsituut
Nuuk.
Ullumikkut Egede eqqaaneqaraangat
avissaartuunneqarpoq - 'Kalaallit Nutaata aposteliatut' imaluunniit Kalaallit
nunaata nunasiaatingorneranut takussutissaasutut eqqaamaneqarpa? 2020-imi
aasami Egedemut eqqaassutissaq Nuummiittoq aappaluttumik qalipanneqarpoq
nunasiaataanermut akerliusunik oqaasertalerlugu. Ullut arlaqanngitsut
qaangiummata Egedemut eqqaassutissaq Københavnimiittoq taamatorpiaq aamma
pineqarpoq. Kommuneqarfik Sermersooq, Nuummi eqqaassutissamut akisussaasuusoq,
eqqaassutissap napaannarnissaa peerneqarnissaaluunniit pillugu taasititsivoq.
Tassani amerlanerussuteqartunit aalajangiunneqarpoq eqqaassutissaq
iniminiiginnassasoq Nuutoqqap tungaanut sammilluni. Tamassuma saniatigut
kommunimit aalajangerneqarpoq Hans Egedep Kalaallit nunaannut tikinnerata
nalliuttorsiutigineqarnissaa pilersaarusiorneqareeraluartoq
malunnartinniarnagu. Taamaasilluni ukiut 300-nngorlugit
nalliuttorsiutiginissaata tungaanut suli erseqqilluarpoq, Hans Egede ullutsinni
Kalaallit nunaanni akerleriinnermut timitaliunneqartartoq.
Saqqummersitaq Hans
Egede angut Kalaallit nunaata oqaluttuassartaanut avaqqunneqarsinnaanngitsumik
ilaalluinnartoq pillugu paasinnittaatsitsinnik misissuinarlunilu
unamminiarnartuuvoq.